O'qituvchi haqida

Ustuvorligim halollik va mas'uliyat

Ismim Muhammadillo (Muhammad deb ham chaqirishadi). 22 yoshdaman. Turk tilidan Turkiyaning nufuzli universitetlaridan birida TÖMER C1 sertifikatini qo'lga kiritganman, akademik Turkcha kursi bitiruvchisi va Turkiya Grantlari Xalqaro Dasturi g'olibiman. Bugungacha individual va guruh shaklida jami 30 dan ortiq o'quvchiga Turk tilidan online dars berdim. Turk tilini mustaqil o'rganganman va "İstanbul ağzı" deb ataladigan badiiy tilga eng yaqin shevada 4 yil davomida Turklar bilan muloqotlar olib borish natijasida ushbu darajaga yetib kelganman. Hozirda Xalqaro Munosabatlar sohasida ta'lim olib, o'z ustimda ishlab kelmoqdaman. Maqsadim diplomat bo'lish. Til o'rgatish bilan esa bo'sh vaqtimdan unumli foydalanish maqsadida shug'ullanaman. Birinchi marotaba sinov tariqasida dars berganimda o'quvchilar tomonidan bildirilgan qiziqish va ijobiy izohlar bu sohaga kirib kelishimga turtki bo'lgan. Samimiy va iliq muhitda dars berishni yoqtiraman. Turkiyada yashagan tajribalarim soyasida tabiiy Turkchaga oshinoman va odatda buni qarshimdagi insonga yetkazib berish uchun harakat qilaman.