O'qituvchi haqida

Katta orzularga ega qalb egasi

2019 -yilda O'zbekiston Milliy Universitetining Xorijiy filologiya fakultetini tamomlab, shu yili Xitoy Xalq Respublikasining Jianxi provinsiyasida joylashgan universitetda o'qishimni davom ettirdim. U yerda o'qish bilan bir qatorda ingliz tili o'qituvchisi lavozimida ham faoliyat olib bordim. Xitoydagi muhit meni chinakamiga yaxshi kadr sifatida sayqallanishimga sabab bo'ldi. Oflayn (Offline)  va masofaviy (online) platformalarda turli xil o'qitish metodlaridan foydalanib, o'quv materiallarini tahlil qilishni  o'rgandim. 2020-yilda Toshkentga qaytdim va Vosiq Xalqaro maktabida ingliz tili o'qituvchisi bo'ldim. 2023 -yilda  Toshkent shahridagi Vebster universitetining MA TESOL  dasturini  muvaffaqiyatli yakunlab, hozirda o'rgangan bilimlarimni amalda qo'llab kelyapman. Til o'qituvchisi sifatida shuni  ayta olamanki, til o'rganish asnosida insonning ko'p qobiliyatlari shakllanadi va fikri teranlashadi. Bu ko'nikmalar esa yaxshi  imkoniyat eshiklarini  kelajak  uchun ochib  bera  oladi.